Tuesday, 21 March 2017

വേഗത കൂടിയാൽ അപ്രത്യക്ഷമാകാം

കടപ്പാട് : Martin Roemers, http://www.nationalgeographic.com/magazine/2017/03/urban-megacity-population/


മാർട്ടിൻ റൊമേഴ്‌സ്,ജപ്പാനിലെ ടോക്കിയോവിൽ വച്ച്,എടുത്ത ചിത്രമാണ് മുകളിൽ കൊടുത്തിരിക്കുന്നത്. ജീവിതത്തിന്റെ തിരക്കേറിയ ജീവിത കഥ വിവരിക്കുന്നതിനായി അദ്ദേഹം എടുത്ത ചിത്രമാണിത്.

ഇതിൽ എന്ത് ഫോട്ടോഗ്രാഫിക് ടെക്‌നിക് ആണ് ഉപയോഗിച്ചിരിക്കുന്നത് എന്നെനിക്ക് അറിയില്ല,പക്ഷെ ഒന്നുറപ്പാണ്..വേഗത കൂടിയ അവസ്ഥകയിൽ എടുത്ത ഫോട്ടോയാണിത്. ഇതിപ്പോ എല്ലാവര്ക്കും അറിയാമല്ലോ,ഇതിലിപ്പോ എന്താണിത്ര പുതുമ?

ഇതിലെ മങ്ങിയിരിക്കുന്ന ആൾക്കാരെ കണ്ടില്ലേ? അവരെ മഞ്ഞു പൊതിഞ്ഞതല്ല. അവർക്ക് വേഗത കൂടിയത് കൊണ്ട്,നമ്മുടെ ക്യാമറയിൽ പെട്ടെന്ന് ഒരു സ്ഥലത്തേത് കിട്ടിയില്ല എന്നതാണ്.

ക്യാമറയുടെ ഷട്ടർ സ്പീഡ് കുറയുമ്പോൾ ,കൂടുതൽ സമയം ക്യാമറ കണ്ണ് തുറന്നിരിക്കും, ആ സമയത്തിനുള്ളിലെ ചിത്രമായിരിക്കും പകർത്തുക. ആ സമയത്തിനുള്ളിൽ ഒരു വസ്തുവിന് പല സ്ഥാനങ്ങൾ ആണെങ്കിൽ : ഒരാൾ നടക്കുകയോ,ഓടുകയോ,ഒരു വണ്ടി ഓടുകയോ മറ്റും. അങ്ങനെയാണെങ്കിൽ,നമ്മുക്ക് മുകളിലെ ചിത്രത്തിലെ പോലെ ഒരു പുകനിറഞ്ഞ ചിത്രം കിട്ടും.

സമയപരിധിക്കുളിൽ,കൃത്യമായ ഒരു സ്ഥാനം,വ്യക്തിക്കോ വസ്തുവിനോ നൽകാൻ കഴിഞ്ഞില്ല എന്നതാണ് ക്യാമറയുടെ പരിമിതി. അത് മാറ്റുവാൻ, നമ്മൾ ഷട്ടർ സ്പീഡ് കൂട്ടും..

ക്യാമറയുടെ ഷട്ടർസ്പീഡ് എന്നാൽ,ക്യാമറയുടെ ലെന്സിനു മുന്നിലെ  പെട്ടെന്ന് അടയുകയും തുറക്കുകയും ചെയ്യുന്ന അടപ്പിനെയാണ് പറയുന്നത് അതെപ്പോഴും തുറന്നിരിക്കില്ല,കാരണം അകത്തെ ഫോട്ടോഗ്രാപഫിക് ഫിലിം,അല്ലെങ്കിൽ അതിന്റെ ഡിജിറ്റൽ സാങ്കേതിക വിദ്യ,പ്രകാശം ഏതുസമയത്തും കടന്നു വരുന്നത് കൊണ്ട്,കേടുവരും.

ഷട്ടർ സ്പീഡ് കൂട്ടുന്നതോടു  കൂടി,ക്യാമറക്ക് അതിന്റെ കണ്ണ് കുറച്ച നേരം തുറന്നാൽ മതി,അപ്പോൾ ആ കുറഞ്ഞ സമയത്തിലെ ചിത്രം പകർത്തിയാൽ മതി. അത് പരമാവധി കുറച്ചാണ് സ്പോർട്സിന്റെയും ഫുട്ബാളിന്റെയും ഒക്കെ ഷോട്ടുകളുടെ ചിത്രങ്ങൾ പകർത്തുന്നത്.



ഇനി ചെറിയ ഒരു സാങ്കല്പിക കഥ!

ഇന്നേ വരെ മനുഷ്യനെ നേരിട്ട് കാണാത്ത ഒരു കുട്ടി ഉണ്ടെന്നു കരുതുക. ഒരുദാഹരണത്തിനു അത് മോഗ്ലിയോ,ടാർസനോ ആണെന്ന് കരുതിക്കോളൂ.

അവരീ ചിത്രം കണ്ടാൽ,എന്തായിരിക്കും കരുതുക?? ചിലരെ കൃത്യമായി കാണാനില്ല. ചിലർ ഇവിടെയുമുണ്ട്,അപ്പുറത്തുമുണ്ട്. ചിലരുടെ ചിത്രത്തെ പുകപോലെ പലയിടത്തു കാണിച്ചിട്ടുണ്ട്. ഭാഗികമായി അവരുടെ ചിത്രത്തെ നീളത്തിലായി വലിച്ചു നീട്ടി കാണിച്ചിരിക്കുന്നു.

ആദ്യമായി കാണുന്ന ടാർസൺ,കരുതുക, ഇവർ ഇങ്ങനെ തന്നെയായിരിക്കും ഇപ്പോഴും എന്നാണ്. എന്നാൽ ചിത്രത്തിലെ വ്യക്തിയെയോ വസ്തുവിന്റെയോ നേരിട്ട് കാണുമ്പോഴും,ക്യാമറയുടെ പരിമിതിയിലെ ഈ പ്രശ്നവും മറ്റും അറിയുന്ന നിമിഷം തൊട്ടു,എല്ലാവരെയും പോലെ,നമ്മളെയൊക്കെ പോലെ,ടാർസനും ഇത് വലിയ കാര്യമാകില്ല.

---------------------------------------------------------------------------------

ഇതുപോലെയാണ്,നമ്മുടെ നിലവിലെ ക്യാമറകൾ ഉപയോഗിച്ച്,ചെറിയ കണികകളെ നിരീക്ഷിച്ചാൽ.
നമ്മുടെ ക്യാമറയുടെ കൂടിയ  ഷട്ടർ സ്പീഡിൽ തന്നെ എടുത്താലും,നമുക്ക് ഇത് പോലെ പുക നിറഞ്ഞ ഒരു ചിത്രമേ കിട്ടു. സെക്കൻഡിൽ ലക്ഷത്തോളംകിലോമീറ്റർ വേഗതയാണ് മിക്ക കണികകൾക്കും. അവയുടെ ഒരു നിശ്ചല ചിത്രം കിട്ടണമെങ്കിൽ,വളരെ കൂടിയ  ഷട്ടർ സ്പീഡുള്ള ഒരു ക്യാമറ കണ്ടെത്തേണ്ടിയിരിക്കുന്നു.

അപ്പോൾ പിന്നെ എങ്ങനെയാ ഈ കണികകളെക്കുറിച്ചു പഠിക്കുന്നത്? 

മുകളിലെ ചിത്രത്തിലെ,പുക പോലെ ഭാഗികമായി കാണുന്നവരെ നമുക്ക് കൃത്യമായികാണാനാകില്ലെങ്കിലും,അവരുടെ രൂപം,വേഷം,നിറം എന്നതിനെ കുറിച്ചൊക്കെ നമുക്ക് തത്കാലം മനസ്സിലാക്കാമല്ലോ. അതുപോലെ അവർ ചെയ്യുന്ന പ്രവർത്തി,ചിത്രത്തിലെ ചുറ്റുപാടിൽ അവർ ചെയുന്ന,അവർക്ക് വരുന്ന വ്യതിയാനം,മാറ്റം അല്ലെങ്കിൽ അവരുടെ response എന്തായിരിക്കും എന്നൊക്കെ കണ്ടു നമുക്ക് അവരെക്കുറിച്ചു പറയാം. ചിലർ സംസാരിക്കുന്നു,ചിലർ പ്രത്യേക ദിശയിലേക്ക് നോക്കുന്നു,ചിലർ നടക്കുന്നു. ഇതുപോലെ,പലതും നോക്കി,നമുക്ക് ഉള്ള വിവരങ്ങൾ വച്ച് കൃത്യതയാർന്ന പലതും കണ്ടുപിടിക്കാം. അത് തന്നെയാണ് കണികകളുടെ കാര്യത്തിലും നടക്കുന്നത്.

പക്ഷെ പുക പോലെയുള്ള കണികയെ നമ്മൾ എവിടെ നോക്കും?
ചിത്രത്തിൽ വ്യക്തികളെ നമ്മൾ എവിടെ നോക്കും?

അവരുടെ കൂടുതൽ കൃത്യതയാർന്ന ചിത്രം കാണുന്നിടത്. അതായത്,അവരുടെ presence കൂടുതൽ ഉള്ളിടത്. അതുപോലെ,കണികയും കൂടുതൽ ഉള്ളിടത് നോക്കാം. അതിനു കണക്കിലെ probability  എന്ന ശാഖയിലെ വസ്തുതകൾക്ക് കടപ്പെട്ടിരിക്കുന്നു. മാക്സ്ബോൺ ആയിരുന്നു,ആദ്യമായി ഇങ്ങനൊരു വഴി മുന്നിലേക്ക് തുറന്നു വച്ചത്. അത് പിന്നീട് കണികകളുടെ തന്നെ പുതിയൊരു യോഗവും,ശാസ്ത്ര ശാഖയായ ക്വാണ്ടം മെക്കാനിക്സിന്റെ ജനനത്തിലേക്ക് വഴികാട്ടി.

-----------------------------------------------------------------

അപ്പോൾ കൂടുതൽ കൃത്യതയാർന്ന,ഷട്ടർ സ്പീഡൊക്കെ കൂടുതലുള്ള ഒരു ക്യാമറ കിട്ടിയാൽ നമുക്ക് കണികയെ കാണാമോ?

'കാണാമായിരിക്കും' എന്ന് പോലും എനിക്ക് പറയാനാവില്ല. കാരണമുണ്ട്.

ഒരു വസ്തുവിനെ നമ്മളെപ്പോളാണ് കാണുന്നത്?
അതിലേക്ക് പ്രകാശം എത്തുകയും,അത് തിരിച്ചു നമ്മുടെ കണ്ണിലേക്ക് വരുകയും ചെയ്യുമ്പോൾ.
പ്രാകാശവും ഫോട്ടോൺ എന്ന കണികയാണല്ലോ,അപ്പോൾ ചുരുക്കി പറഞ്ഞാൽ..നമുക്ക് കാണേണ്ട കണികയിലേക്ക്,ഫോട്ടോൺ കണികാ വന്നിടിച്ചു...തിരിച്ചു നമ്മുടെ കണ്ണിലേക്ക് വരണം.

ഇനി നമ്മൾ ഒരു ക്യാമറയുമായി റെഡിയായി ഇരിക്കുന്നു എന്ന് കരുതിക്കോളൂ. ഒരു കണികാ,എലെക്ട്രോണോ പ്രോട്ടോണോ അങ്ങനെന്തേലും ആവട്ടെ,അതിന്റെ വേഗതയെ കുടുക്കാൻ മാത്രം കെല്പുള്ള ഒരു ക്യാമറമായിട്ടാണ് നമ്മളിരിക്കുന്നത്. കൃത്യം നമ്മൾ ആ കണികയെ നോക്കി ഫോട്ടോ ക്ലിക്ക് ചെയ്യുന്നു. പ്രകാശ കണികാ വന്നു,അതിൽ മുട്ടി,തിരിച്ചു ക്യാമറയിൽ കയറുന്നു. അപ്പോൾ ചിത്രം പതിയുന്നു.

ക്യാമറയുടെ സ്പീഡ് കൂട്ടി ,കണികയെ കിട്ടാൻ വിധമാക്കിയെങ്കിലും, പ്രകാശ കണികയുടെ കൂട്ടിയിടി കാരണം നമ്മുടെ കണിക സ്വല്പം ഊർജം സ്വീകരിക്കുകയും,ആ ബലം കൊണ്ട് എങ്ങോട്ടെങ്കിലുംതെറിക്കുകയും ചെയ്യുന്നു. ഈ കൂട്ടിയിടി നടന്നു കഴിഞ്ഞിട്ടല്ലേ ക്യാമറയിലും,നമ്മുടെ കണ്ണിലും ഒക്കെ എത്തുകയുള്ളൂ?? പക്ഷെ അപ്പോഴേക്കും നമ്മൾ നോക്കികൊണ്ടിരുന്നു സ്ഥലത്തു നിന്ന് കണികാ പോയിക്കഴിഞ്ഞിട്ടുണ്ടാകും.

 ഇതുകൊണ്ടാണ്,ഞാൻ ,കൂടിയ  ഷട്ടർ സ്പീഡ് ഉണ്ടങ്കിലും കൃത്യമായി കണികയുടെചിത്രമെടുക്കാൻ കഴിയുമെന്ന് പറയാനാകില്ല എന്ന് പറഞ്ഞത്.
----------------------------------------------------------------------------

ഈ കണികകൾ ഒക്കെ നമുക്ക് ചുറ്റും തന്നെ അല്ലെ  നമ്മളെ ഒക്കെ ഉണ്ടാക്കിയിരിക്കുന്നത്, നമ്മൾ കാണുന്നതും അറിയുന്നതും ഒക്കെ,അവയാൽ ഉണ്ടാക്കപെട്ടവയാണ്. എന്നിട്ടുമെന്താ നമ്മൾക്കിത് അറിയുക പോലും ചെയ്യാത്തത് ??
അതിനു ഈ ലേഖനത്തിന്റെ ടൈറ്റിൽ നോക്കുക.
"വേഗത കൂടിയാൽ അപ്രത്യക്ഷമാകാം"

അതിവേഗതയിൽ പോകുന്നതിനെ കാണാനുള്ള ശേഷി നമ്മുടെ സ്വന്ത ക്യാമറയായ കണ്ണിനില്ല. അതിനാ തന്നെ അത് കാണാനും കഴിയില്ല. ബാക്കിയുള്ള ഇന്ദ്രീയങ്ങൾക്കും അതിനുള്ള ശേഷി ഇല്ല.

ചുരുക്കി പറഞ്ഞാൽ,വേഗത ,അതിവേഗതയും കടന്നു,പ്രകാശ വേഗത്തോട് അടുക്കുമ്പോൾ,എല്ലാം അപ്രത്യക്ഷമാകും.

--------------------------------------------------------------------------------

അങ്ങനെയെങ്കിൽ,എങ്ങനെയാ ഈ കണികളെയൊക്കെ ഒന്ന് കാണാൻ പറ്റുക?

കാണാനാകില്ല,മുമ്പ് സൂചിപ്പിച്ച probability ,ചിത്രത്തിലെ മങ്ങിയവയുടെ,കുറവ് മങ്ങളുള്ള ഭാഗങ്ങൾ പഠിക്കുന്ന പോലെ, കണികകൾ കൂടുതൽ കാണാൻ ഉള്ളിടം നോക്കുക, കണികകളുടെ പുകപടലം പോലുള്ള ചിത്രങ്ങൾ എടുക്കുക,അവയുടെ patterns പഠിക്കുക. അതെ തത്കാലം വഴിയുള്ളു.
------------------------------------------------------------------------------

കണികകളുടെ അല്ലെങ്കിലും,ശരീരത്തിലെയൊക്കെ സൂക്ഷ്മമായ കീടങ്ങൾ,കോശങ്ങൾ,അവക്കുള്ളിലുള്ളത്..അതൊക്കെ നേരിട്ട് കാണാനും,പഠിക്കാനും ക്യാമറകൾ ഉപയോഗിക്കാതെ Electron Microscope കൾ ഉപയോഗിക്കുന്നു.

2 comments:

Blogger Random – Recent – Specific Label Posts Widget – All in One Post Feed Widget